Fransada finişə yaxınlaşmaqda olan futbol üzrə Avropa çempionatında yarımfinala ilk vəsiqəni Portuqaliya komandası qazanmışdır. Kriştianu Ronaldu və oyundaşları Marselin “Velodrom” stadionunda keçirilən dörddəbir final görüşündə Polşa komandasına qalib gəlmişlər.

Oyunun əsas və əlavə vaxtlarından sonra hesab 1:1 olmuş, on bir metrlik zərbələr seriyasını isə portuqaliyalılar daha dəqiq  yerinə yetirmişlər (5:3).

Daha bir dörddəbir final görüşü dünən Uels və Belçika komandaları arasında keçirilmişdir.

Bu mərhələnin digər iki matçı bu gün (Almaniya-İtaliya) və sabah (Fransa-İslandiya) oynanılacaq.

Oqtay BAYRAMOV,
“Xalq qəzeti”