Azərbaycanın qadınlardan ibarət milli komandasının voleybolçuları Avropa Liqası turnirinin ilk final görüşündə pərəstişkarlarını qələbə ilə sevindirmişlər. Yığmamız rəqib meydanında Slovakiya kollektivini 3:1 hesabı ilə məğlubiyyətə uğratmışdır.

Bu müvəffəqiyyətdən sonra Faiq Qarayevin yetirmələrini Avroliqada tam qələbədən cəmi bir qələbə ayırır. Azərbaycan voleybolçuları iyulun 3-də Bakı İdman Sarayında slovakiyalı rəqiblərinə qarşı keçirəcəkləri ikinci final görüşünü də öz xeyirlərinə başa çatdırsalar, Liqanın qalibi olub dünya Qran-pri turnirinə vəsiqə qazanacaqlar.

Oqtay BAYRAMOV,
“Xalq qəzeti”