Azərbaycan boksçuları Rio-de-Janeyro Olimpiadasına daha iki lisenziya qazanmışlar. “Sərhədçi” İdman-Olimpiya Mərkəzində keçirilən dünya Olimpiya təsnifat turnirində onlara Teymur Məmmədov (81 kq) və Rüfət Hüseynov (49 kq) sahib olmuşlar.

Məmmədov XXXI Yay Olimpiya Oyunlarının iştirakçısı olmaq hüququnu yarımfinala çıxmaqla qazanmışdır. Hüseynov isə qarşısında duran məqsədə nail olmaq üçün dünən yarımfinal görüşündə meksikalı Jozelito Velaskesə qalib gəlib finala yüksəlməli idi. Məhz belə də olmuş, boksçumuz Rio-2016-ya vəsiqəni özünə təmin etmişdir.

Oqtay BAYRAMOV,
“Xalq qəzeti”