Azərbaycan idmançıları Buxarestdə keçirilən gənclər arasında yunan – Roma güləşi üzrə Avropa çempionatına uğurla başlamışlar. Yarışın birinci günü mübarizəyə qoşulan dörd təmsilçimizdən ikisi ölkəmizə medalla qayıdacaq.

Rumıniya paytaxtının idman sarayında qaliblərin mükafatlandırılması mərasimində 60 kq çəki dərəcəsində bütün rəqiblərindən üstün güləş nümayiş etdirən Mikayıl Rəhmanov qızıl medalın sevincini yaşamışdır. Onun komanda yoldaşı Azər Nəsibli (50 kq) isə yalnız final görüşündə uduzub gümüş mükafata sahib olmuşdur.

Dünən, çempionatın ikinci günü Azərbaycanın daha dörd güləşçisi mübarizəyə qoşulmuşdur.

Oqtay BAYRAMOV,
“Xalq qəzeti”