Qadın voleybol komandaları arasında Avropa Liqası turnirində yarımfinal oyunları start ərəfəsindədir. Tezliklə Azərbaycan və Yunanıstan yığmalarının rəqabətində bu kollektivlərdən kimin finalda oynamağa daha çox layiq olduğunu biləcəyik.

Tərəflərin qarşılıqlı razılığına əsasən hər iki görüş Bakıda keçiriləcəkdir. Faiq Qarayevin yetirmələri qonaqlarını iyunun 25-də və 26-da sınağa çəkəcəklər.

Avropa Voleybol Konfederasiyası finalın astanasında idman həvəskarlarımızın həyəcanla gözlədikləri oyunların hakimliyini italiyalı İlariya Vaqni və Nenad Davidoviçə (Serbiya) həvalə etmişdir.

Oqtay BAYRAMOV,
“Xalq qəzeti”