Azərbaycanlı qrossmeyster Azər Mirzəyev Litvanın Panevejis şəhərində keçirilən beynəlxalq şahmat turnirində altı turdan sonra liderlər qrupunda irəliləyir.

Turnirin mükafatları uğrunda on iştirakçı mübarizə aparır. Mirzəyev altı görüşdə 4 xal toplamış və onunla eyni nəticə göstərən rusiyalı Sergey Matsenko ilə ikinci-üçüncü yerləri bölüşdürür. Turnir cədvəlinə 5,5 xala malik Marcel Kanarek (Polşa) başçılıq edir.

Finişə isə az qalır. Doqquz turdan ibarət yarışda yeddinci raundun görüşləri dünən keçirilmişdir. Mirzəyev bu dəfə Kanarekə qarşı oynamışdır.

Oqtay BAYRAMOV,
“Xalq qəzeti”