Çernoqoriyada  keçirilmiş  qadın  voleybol  komandaları arasında  Avropa Liqası  turnirinin  qrup  mərhələsinin birinci dövrəsində Azərbaycan millisi  hər üç  rəqibi  üzərində inamlı  qələbələr  qazanmışdır.

Birinci  turda Fransa  komandasını 3:0  hesabı ilə  məğlubiyyətə  uğradan  voleybolçularımız ertəsi gün yarış sahibləri Çernoqoriya  idmançıları ilə oyunda həmin  nəticəni  təkrar etmiş, son  görüşdə isə ispaniyalı  rəqiblərinə  qalib gəlmişlər — 3:1.

Turniri maksimum  miqdarda 9  xalla  başa vuran Azərbaycan  komandası bu yarışın həmin iştirakçılar  arasında Fransada  keçiriləcək ikinci  dövrəsinə  lider kimi  başlayacaq. İyunun 10-da starta  çıxıb 12-də  finişə  çatacaq ikinci dövrə  görüşlərində  voleybolçularımız  əvvəlcə Çernoqoriya, sonra da İspaniya  və  Fransa  komandaları ilə qarşılaşacaqlar.

Oqtay BAYRAMOV,
“Xalq qəzeti”