Portuqaliyanın 17 yaşlılardan ibarət yığma komandasının futbolçuları və onların məşqçiləri Bakını ömürləri boyu unutmayacaq, gözəl paytaxtımız haqqında xoş xatirələrlə yaşayacaqlar. Dünya şöhrətli Kriştianu Ronaldunun gənc həmvətənləri şəhərimizdə iki həftədən də çox davam edən Avropa çempionatının qızıl medallarını qazanmaqla bu böyük futbol bayramında baş rolda çıxış etdilər.

İspaniya ilə gərgin mübarizə şəraitində kəçən həlledici final görüşünün 1:1 hesabı ilə nəticələnən əsas vaxtından sonra penaltilər seriyasında (5:4) portuqaliyalı yeniyetmələrin bir dəfə də “büdrəməmələri” onların bu zərbələrə lazımi səviyyədə hazırlaşmalarının təsdiqidir. Həqiqətən, Bakı Portuqaliyanın gənc futbolçuları üçün uğurlu şəhər oldu.

Oqtay BAYRAMOV,
“Xalq qəzeti”