Almaniyanın Duysburq şəhərində keçirilmiş baydarka və kanoelərdə avarçəkmə üzrə I Dünya kuboku yarışında Azərbaycan idmançısı İnna Osipenko-Radomskaya iki dəfə fəxri kürsüyə dəvət olunmuşdur.

Yığma komandamızın üzvü iki məsafədə finişə mükafatçılar sırasında çatmışdır. İnna 200 metr məsafəyə yarışda gümüş medal qazanmış, 500 metr məsafədə isə üçüncü nəticə göstərmişdir.

Bu avarçəkənimizin əvvələr Rio-2016-ya lisenziya qazandığını və Olimpiadada məhz həmin məsafələrdə starta çıxacağını da xatırladaq.

Oqtay BAYRAMOV,
“Xalq qəzeti”