Yetmiş üç gündən sonra Braziliyanın Rio-de-Janeyro şəhərinin nəhəng “Marakana” stadionunda təntənəli açılış mərasimi olacaq XXXI Yay Olimpiya Oyunlarında fəxri kürsüyə yüksəlmək arzusu ilə yaşayan Azərbaycan taekvondoçusu Milad Beiqi Hərçəqani İsveçrənin Montrö şəhərində yenicə başa çatmış Avropa çempionatında möhtəşəm zəfəri ilə diqqət mərkəzində olmuşdur.

Avropa çempionu adını qazanmış məğlub-edilməz döyüşçümüz turnirdə keçirdiyi bütün dörd görüşdə gurultulu qələbələri ilə yadda qalmışdır. Diqqət yetirin, serbiyalı rəqib 13:0, Böyük Britaniya təmsilçisi 13:1, Polşa idmançısı 16:4, finalda isə türkiyəli Yunus Sarı 5:0 hesabı ilə məğlubiyyətə uğradılmışlar.

Oqtay BAYRAMOV,
“Xalq qəzeti”