Azərbaycan cüdoçuları Heydər Əliyev adına İdman Sarayında keçirilən və idmanın bu növündə ən mötəbər yarışlardan biri hesab edilən “Böyük dəbilqə” turnirinə bir bürünc medalla başlamışlar.

Səksəndən çox ölkə idmançılarının iştirakı ilə keçirilən turnirdə komandamızın mükafatlarının hesabını 66 kq çəki dərəcəsində çıxış edən Tərlan Kərimov açmışdır. Tatami ustamız üçüncü yer uğrunda görüşdə belçikalı Van Qansbekə qalib gəlmişdir.

Yarışın birinci günü ən yaxşı nəticəni Yaponiya komandası göstərmişdir – 1 qızıl, 1 gümüş medal. İspaniya və Monqolustan yığmaları hərəyə 1 qızıl və 1 bürünc mükafata sahib olmuşlar. Azərbaycan kollektivi 1bürünc medalla 12-ci yerdə idi.

Dünən turnir davam etdirilmişdir.

Oqtay BAYRAMOV,
“Xalq qəzeti”