Bakıda 17 yaşınadək futbolçulardan ibarət komandaların Avropa çempionatında “C” və “D” qruplarında Fransa – Danimarka (0:0), İngiltərə – İsveç (1:2), İtaliya—Serbiya (2:1) və Hollandiya—İspaniya (0:2) görüşləri ilə birinci tura yekun vurulmuş və qruplarda ilk liderlər məlum olmuşdur.

Start turundan sonra “A” qrupunda (Azərbaycan, Portuqaliya, Belçika, Şotlandiya) Portuqaliya və Belçika, (“B”) qrupunda (Avstriya, Bosniya və Herseqovina, Ukrayna, Almaniya) Avstriya, “C” qrupunda İsveç, “D” qrupunda isə İtaliya və İspaniya komandaları hərəyə 3 xalla lider mövqeyinə yüksəlmişlər.

İkinci turun ilk dörd oyunu bu gün keçiriləcək: Azərbaycan—Belçika, Portuqaliya—Şotlandiya, Ukrayna—Avstriya, Almaniya—Bosniya və Herseqovina. Bu turun daha dörd görüşündə isə sabah fransızlar ingilislərlə, Danimarka komandası İsveçlə, İtaliya futbolçuları hollandiyalı yaşıdları ilə, serblər ispanlarla qarşılaşacaqlar.

Oqtay BAYRAMOV,
“Xalq qəzeti”