UEFA Avropa Liqası turnirinin yarımfinal mərhələsinin ilk oyunlarında İspaniya klubları daha yaxşı nəticələrə nail olmuşlar.

“Sevilya” Ukraynada “Şaxtiyor” (Doneks) ilə görüşdən məhsuldar heç-heçə ilə qayıtmış – 2:2, “Viliyareal” isə doğma stadionda öz pərəstişkarlarını İngiltərənin “Liverpul” komandası üzərində qələbə ilə sevindirmişdir-1:0.

Cavab görüşləri mayın 5-də keçiriləcəkdir. İki oyunun yekununda cütlərin qalibləri mayın 18-də İsveçrənin Bazel şəhərində final matçında üz-üzə gəlib Avroliqa kubokunun sahibini müəyənləşdirmək hüququ qazanacaqlar.

Oqtay BAYRAMOV,
“Xalq qəzeti”