Azərbaycan şahmatçısı Rauf Məmmədov Daşkənddə qrossmeyster Georgi Aqzamovun xatirəsinə həsr edilən beynəlxalq turnirin gümüş mükafatçısı olmuşdur.

Milli komandamızın üzvü Özbəkistan, Qazaxıstan, Tacikistan, Pakistan, Rusiya, Ukrayna, Hindistan və digər ölkələri təmsil edən 120-yə qədər rəqibin mübarizəsində 6 qələbə və 3 heç-heçə sayəsində 9 mümkün xaldan 7,5 xal toplamış və finişə ikinci çatmışdır.

Turnirin qalibi adını isə Məmmədovla eyni nəticə göstərən, lakin əlavə göstəricilərə görə ondan üstün olan tacikistanlı Fərrux Amonatov qazanmışdır. Üçüncü yeri 7 xalla Aleksandr Zubaryov (Ukrayna) tutmuşdur.

Oqtay BAYRAMOV,
"Xalq qəzeti"