UEFA Çempionlar Liqası turnirində yarımfinal mərhələsinin oyunları heç-heçə ilə  başlamışdır.

İngiltərənin Mançester şəhərində Cüneyt Çakırın başçılığı ilə türkiyəli hakimlər briqadasının idarə  etdiyi "Mançester Siti" və İspaniyanın "Real" (Madrid) komandalarının görüşündə tamaşaçılar tribunaları qol görmədən tərk etmişlər (0:0).

Bu rəqiblərdən Liqanın finalına vəsiqənin sahibi mayın 4-də Madriddə oynanılacaq cavab matçından sonra məlum olacaq.

İspaniyanın "Atletiko" və Almaniyanın "Bavariya" komandaları arasında ilk yarımfinal oyunu isə dünən Madriddə keçirilmiş və Bakı vaxtı ilə gecəyarısı başa çatmışdır. Münhendə cavab görüşü mayın 3-nə təyin edilmişdir.

İki oyunun ümumi yekununda yarımfinalların qalibləri mayın 28-də Milanda (İtaliya) final görüşündə qarşılaşacaqlar.