Qadın voleybol komandalarının Superliqa turnirində həlledici mərhələ  başlanmışdır. Azərbaycanın ən yaxşı dörd klubu yarımfinal görüşləri seriyasında finala vəsiqə uğrunda mübarizə aparır.

Hər iki yarımfinal cütündə ilk oyunlarda eyni nəticə qeydə alınmışdır. “Azərreyl” voleybolçuları “Azəryol”u, “Telekom” isə “Lokomotiv”i 3:1 hesabı ilə məğlubiyyətə uğratmışlar. Dünən axşam yarımfinal seriyalarında ikinci görüşlər keçirilmişdir.

Yarımfinalların qalibləri finalda qarşılaşacaq, məğlublar isə bürünc medallar uğrunda mübarizə aparacaqlar. Bu mərhələnin oyunlarına aprelin 5-də start  veriləcək.

Oqtay BAYRAMOV,
“Xalq qəzeti”