Azərbaycanın idman gimnastikası üzrə yığma komandasının lideri Oleq Stepko Qətərin paytaxtı Doha şəhərində keçirilmiş Dünya kuboku turnirində ikiqat sevinc hissi yaşamışdır.

Təmsilçimiz bir çox ölkə gimnastlarının mübarizə apardığı bu mötəbər yarışda paralel qollarda bütün rəqiblərindən yüksək nəticə göstərərək qızıl medal qazanmış, “müqəvvada” təmrinlərin icrasında isə bürünc mükafatçı olmuşdur.

Bu iki medal Stepkonun 2015-ci ildəki uğurlarının bir növ davamıdır. Azərbaycan gimnastı ötən il birinci Avropa Oyunlarında beş dəfə fəxri kürsüyə yüksəlmiş, bundan bir qədər sonra isə Qlazqoda (Şotlandiya) dünya çempionatında paralel qollarda bürünc medal qazanmış və Rio-de-Janeyro Olimpiadası-2016-ya lisenziyanı özünə təmin etmişdi.

Oqtay BAYRAMOV,
“Xalq qəzeti”