Yenicə starta çıxmış kişilər arasında şahmat üzrə növbəti Azərbaycan çempionatının medalları uğrunda 33 iştirakçı, o cümlədən 8 qrossmeyster mübarizə aparır.

Birinci  tur məhsuldarlığı ilə fərqlənmiş, görüşlərdən 14-də qələbə qeydə alınmışdır. Reytinqə görə çempionat iştirakçılarının siyahısına başçılıq edən Eltac Səfərlinin Orxan Abdulov ilə oyunda heç-heçə ilə kifayətlənməsi, milli komandamızın digər üzvü Qədir Hüseynovun isə Aqil Pirverdiyev ilə görüşdə məğlubiyyəti bir qədər gözlənilməz olmuşdur.

Çempionat doqquz turdan ibarətdir və onun mükafatçıları martın 23-də məlum olacaq.  Dünən rəqiblər ikinci  turun görüşlərində qarşılaşmışlar.

Oqtay BAYRAMOV, “Xalq qəzeti”