Azərbaycan şahmatçısı Şəhriyar Məmmədyarov Reykyavikdə (İslandiya) finişə yaxınlaşmaqda olan beynəlxalq turnirin yeddinci turunda qara fiqurlarla Avstraliya təmsilçisi Multun Lyuya qalib gəlmişdir.

Qrossmeysterimiz bu qələbədən sonra xal ehtiyatını 5,5-ə çatdırmış və 6 xalla turnir cədvəlinə başçılıq edən Abicet Quptadan (Hindistan) yarım addım geri qalır.

On turdan ibarət turnirin dünən axşam keçirilmiş səkkizinci turunda Məmmədyarov Aleksandr Belyavskiyə (Sloveniya) qarşı oynamışdır.

Oqtay BAYRAMOV,
“Xalq qəzeti”