Latviyanın paytaxtı Riqada  güləş üzrə Avropa çempionatına yunan-Roma üsulu ilə güləşənlərin görüşləri ilə yekun vurulmuşdur. Bu turnirdə Azərbaycan komandasının iki üzvü bürünc mükafatçı olmuşdur.

Şənbə günü Kamran Məmmədov 66 kq çəki dərəcəsində üçüncü yeri tutmuş, ertəsi  gün isə Həsən Əliyev (71 kq) onun müvəffəqiyyətini təkrar etmişdir. Bu iki bürünc medal sayəsində yığmamız komanda hesabında üçüncü olmuşdur. Çempionatda “klassiklərdən” əvvəl mübarizəyə başlayan Azərbaycanın sərbəst güləşənlərinin (2 gümüş, 1 bürünc mükafat) komanda hesabında beşinci, qadın güləşçilərimizin (2 qızıl, 1 bürünc medal) isə dördüncü yeri tutduqlarını da qeyd edək.

Oqtay BAYRAMOV,
“Xalq qəzeti”