Topaz Premyer Liqasında üçüncü dövrə tədricən finişə yaxınlaşır. Bu günə təyin edilmiş 25-ci turda liderlərin iştirakı ilə keçiriləcək görüşlər daha çox maraq doğurur.  “Qarabağ” Sumqayıtda eyniadlı klubla qarşılaşacaq, “Zirə” isə “Qəbələ”nin qonağı olacaq.

Turun qalan üç görüşündə “Kəpəz” futbolçuları “Xəzər-Lənkəran”ı, AZAL “Neftçi”ni, “İnter” isə “Rəvan”ı qəbul edəcəklər.

Bu tur ərəfəsində turnir cədvəlində liderlər üçlüyünü təşkil edən “Qarabağ”ın 51, “Zirə”nin 44, “Qəbələ”nin 41, onların ən yaxın izləyiciləri “İnter”in 38, “Kəpəz”in 36 xalı vardır.

Oqtay BAYRAMOV,
“Xalq qəzeti”