Latviyanın  paytaxtı Riqada güləş üzrə  Avropa  çempionatı davam edir. Turnirin ilk iki  günündə Azərbaycan komandasının  üzvlərinə bir dəst medal  təqdim olunmuşdur.

Sərbəst güləş  ustalarının yarışlarının startında bütün rəqiblərinə qalib gələrək beşinci dəfə  Avropa  çempionu  adını  qazanan Mariya Stadnikdən (48 kq)  və yalnız finalda uduzub gümüş medalla  kifayətlənən Aleksandr Qostiyevdən (86 kq) sonra, ertəsi gün Yuliya  Ratkeviç (60 kq) bürünc mükafatçı olmuşdur.

Dünən isə daha üç  güləşçimiz  Alyona Kolesnik (55 kq), Hacı Əliyev (61 kq) və Cəbrayıl Həsənov (74 kq)  mübarizəyə  qoşulmuşlar.

Oqtay BAYRAMOV,
“Xalq qəzeti”