Beynəlxalq Həvəskar Boks Federasiyası (AİBA) dünyanın ən yaxşı kişi və qadın dəri əlcək ustalarının yeni reytinq cədvəlini dərc etdirmişdir.

Siyahılarda Azərbaycanın doqquz boksçusu öz çəki dərəcəsində birinci onluğa daxildir. Təmsilçilərimiz arasında ən yüksək nəticəyə Elvin Məmişzadə (52 kq) malikdir. Dünya çempionu və Avropa Oyunlarının qızıl mükafatçısı birinci mövqedədir.

Onun komanda yoldaşları Albert Səlimov (60 kq), Pərviz Bağırov (69 kq) və Abdulqadir Abdullayev (91 kq) üçüncü pillədə irəliləyirlər. Qallazo Sotomayor (64 kq) altıncı, Tayfur Əliyev (56 kq) səkkizinci, Rüfət Hüseynov (49 kq) və Teymur Məmmədov (81 kq) onuncu yerdədirlər.

Dünyanın ən yaxşı qadın boksçularının reytinq cədvəlində isə Azərbaycanın iki idmançısının adları   vardır. Yelena Vıstropova (69 kq) siyahıda ikinci, Yana Alekseyeva (60 kq) beşinci pillədədirlər.

Oqtay BAYRAMOV,
“Xalq qəzeti”