Daha səkkiz oyunla UEFA Çempionlar Liqasında qrup mərhələsinin dördüncü turuna yekun vurulmuşdur.
"E" qrupu. "Bazel" (İsveçrə) - "Roma" (İtaliya) - 2:3, "Kluj" (Rumıniya) - "Bavariya" (Almaniya) - 0:4. "Bavariya" (12 xal) pley-off mərhələsinə vəsiqəni vaxtından əvvəl özünə təmin etmişdir. Hazırda ikinci vəsiqəyə "Roma" daha yaxındır - 6 xal.
"F" qrupu. "Çelsi" (İngiltərə) - "Spartak" (Rusiya) - 4:1, "Jilina" (Slovakiya) - "Marsel" (Fransa) - 0:7. "Çelsi" də (12 xal) növbəti mərhələdə mübarizəni davam etdirəcək.
"G" qrupu. "Milan" (İtaliya) - "Real" (İspaniya) - 2:2, "Oser" (Fransa) - "Ayaks" (Hollandiya) - 2:1. Turnir cədvəlinə 10 xalla "Real" başçılıq edir.
"H" qrupu. "Partizan" (Serbiya) - "Braqa" (Portuqaliya) - 0:1, "Şaxtyor" (Ukrayna) - "Arsenal" (İngiltərə) - 2:1. Qrupda hərəyə 9 xala malik "Arsenal" və "Şaxtyor" liderdirlər.