Ölkəmizin 21 yaşlı gənclərdən ibarət yığma komandasının futbolçuları Türkiyədə keçirilən “Antalya Kuboku” turnirində ardıcıl ikinci qələbə qazanmışlar.

İlk oyunda Ukrayna komandasına 2:1 hesabı ilə qalib gələn Yaşar Vahabzadənin yetirmələri bu dəfə Səudiyyə Ərəbistanından olan yaşıdları ilə qarşılaşmış və 3 xala üç cavabsız qolla sevinmişlər-3:0.

Bu qələbədən sonra 6 xala malik Azərbaycan komandası turnir cədvəlinə başçılıq edir. Futbolçularımız növbəti görüşü bu gün Albaniya yığmasına qarşı keçirəcəklər.

Oqtay BAYRAMOV,
“Xalq qəzeti”