Beynəlxalq Şahmat Federasiyasının (FİDE) bu günlərdə açıqladığı növbəti reytinq cədvəlində 2609 xalla dünyanın ən yaxşı iyirmi gənc şahmatçısının siyahısında 20-ci yerdə olan azərbaycanlı qrossmeyster Eltac Səfərli Sankt-Peterburqda Mixail Çiqorinin xatirəsinə həsr edilmiş beynəlxalq turnirin yeddinci turundan sonra vahid lider mövqeyinə yüksəlmişdir.
Hesabat turunda buna qədər birinci pillədə olmuş İvan Sokolov (Bosniya və Herseqovina) üzərində qələbə sayəsində Səfərli xal ehtiyatını 6,5-ə çatdırmışdır. Təmsilçimiz finişə iki tur qalmış ikinci-beşinci yerləri bölüşdürən Sokolov, rusiyalılar Konstantin Sakayev, Aleksey Dreyev və Dmitri Andreykindən yarım xal irəlidədir.