Kuba paytaxtında keçirilən cüdo üzrə “Qran-pri” turnirinin startı Azərbaycanın tatami ustaları üçün uğurlu olmuşdur. Yarışın birinci günü Orxan Səfərov (60 kq) qaliblərin mükafatlandırılması mərasimində fəxri kürsünün üçüncü pilləsində təbrikləri qəbul etmişdir.

Milli komandamızın üzvü ilk üç görüşdə Avstriya, Monqolustan və Böyük Britaniyadan olan rəqiblərinə qalib gəldikdən sonra yarımfinalda Braziliya təmsilçisinə uduzmuş, ancaq üçüncü yer uğrunda görüşdə Özbəkistan cüdoçusu üzərində qələbə qazanıb bürünc medala sevinmişdir.

Dünən Havana “Qran-pri”si növbəti çəki dərəcələrində görüşlərlə davam etdirilmişdir. Yarışın bütün qalib və mükafatçıları bu gün məlum olacaq.

Oqtay BAYRAMOV,
“Xalq qəzeti”