Azərbaycanlı Bəhruz Rzayev Çex Respublikasının paytaxtı Praqada beynəlxalq şahmat festivalının “A” turnirinin sonuncu turunda qara fiqurlarla Tomas Hoefelsaderə (Almaniya) qalib gələrək 170-ə qədər iştirakçının mübarizəsində çıxışlarını birinci beşlikdə başa vurmuşdur.

Şahmatçımız 9 mümkün xaldan 7 xal toplamışdır. Almanlar Henrik Teste, Sebastyan Şmidt-Şeffer və Monqolustan təmsilçisi Bəyarsakan Qundava da Rzayevlə eyni nəticə göstərmişlər. Əlavə göstəricilərə görə Bəhruz beşinci yerlə kifayətlənməli olmuşdur. Turnirin qalibi adını isə finişə 8 xalla çatan türkiyəli Yekaterina Atalık qazanmışdır.

Oqtay BAYRAMOV,
“Xalq qəzeti”