Birləşmiş Ərəb Əmirliklərində keçirilən beynəlxalq şahmat  turnirinin mükafatları uğrunda mübarizə aparan 130-a qədər rəqib arasında Azərbaycanın bir qrup təmsilçisi də vardır.

İlk üç  turda onlardan ən yaxşı nəticəni Ülvi Bacarani göstərmişdir-2,5 xal. O, həmyerlisi Nərmin Məmmədova, reytinqə görə  turnir iştirakçılarının siyahısına başçılıq edən ukraynalı Yuri Krivoruçko üzərində qələbə qazanmış, gürcüstanlı qrossmeyster Mixeil Mçedlişvili ilə heç-heçə oynamış və liderlər qrupuna daxil olmuşdur.

İsveçrə sistemi üzrə keçirilən turnir doqquz turdan ibarətdir və dekabrın 30-da başa çatacaq.

Oqtay BAYRAMOV,
“Xalq qəzeti”