Dünyanın ən  yaxşı futzal komandalarının növbəti reytinq cədvəli açıqlanmışdır. Bu günlərdə Xorvatiyada dünya çempionatı – 2016-nın seçmə yarışlarında inamla çıxış edərək 2-ci qrupun qalibi kimi pley-off görüşlərinə vəsiqə qazanmış Azərbaycan millisi əvvəlki siyahı ilə müqayisədə iki pillə irəliləyərək 1388 xalla 13-cü yerdən 11-ci mövqeyə yüksəlmişdir.

Fevralda Serbiyanın paytaxtı Belqradda Avropa çempionatının final mərhələsində yığmamızla bir qrupda oynayacaq İtaliya (1687 xal) 4-cü, Çexiya (1321) 11-ci yerdədir.

Reytinq cədvəlinə İspaniya (1923) başçılıq edir. İkinci-üçüncü pillələrdə Braziliya (1909) və Rusiya (1752) komandaları qonşuluq edirlər.

Oqtay BAYRAMOV,
“Xalq qəzeti”