Bu gün Belarus Respublikasının paytaxtı Minskdə sürətli şahmatın blits və rapid növləri üzrə növbəti Avropa çempionatına start veriləcəkdir.

Qitə birinciliyinin çoxsaylı işrirakçıları arasında başda Şəhriyar Məmmədyarov, Rauf Məmmədov və Qədir Hüseynov olmaqla Azərbaycan şahmat məktəbinin bir qrup yetirməsi də vardır. Rəqiblər əvvəlcə blits turnirində çempion və mükafatçıları müəyyənləşdirəcək, sonra da rapid görüşlərində bir-birlərini sınağa çəkəcəklər.

İsveçrə sistemi üzrə keçirilən Avropa çempionatına dekabrın 20-də yekun vurulacaqdır.

Oqtay BAYRAMOV,
“Xalq qəzeti”