Ölkəmizin kişilərdən ibarət yığma taekvondo komandası böyük müvəffəqiyyətə nail olmuşdur. Millimiz Meksikanın paytaxtı Mexikoda yenicə başa çatmış Dünya kuboku turnirində bütün rəqiblərindən yaxşı hazırlıq və əsl qələbə əzmi nümayiş etdirmişdir.

Azərbaycan Taekvondo Federasiyasının saytının bu barədə yaydığı xəbərdə bildirilir ki, dayanq ustalarımız  ilkin mərhələdə Belçika və Özbəkistan yığmalarını müvafiq surətdə 57:31 və 31:11 hesabı ilə məğlubiyyətə uğratdıqdan sonra yarımfinalda Cənubi Koreya taekvondoçularına da qalib gəlmiş (48:30), finalda isə digər qrupda birinci yeri tutan güclü İran komandası üzərində qələbə qazanmışlar–42:23.

Azərbaycan komandası Dünya kubokuna sahib olmaqla öz tarixində ən böyük nailiyyətlərdən birinə sevinmişdir. Gümüş medallar İran taekvondoçularına, bürünc mükafatlar isə Cənubi Koreya və Rusiya təmsilçilərinə təqdim olunmuşdur.

Oqtay BAYRAMOV,
“Xalq qəzeti”