Doha şəhərində (Qətər) keçirilən XXXI Yay Olimpiya Oyunlarına lisenziya xarakterli dünya çempionatında yarımfinalda döyüşmək hüququ qazanan Azərbaycanın dörd dəri əlcək ustasından birinci olaraq Abdulqadir Abdullayev (91 kq) rinqə çıxmışdr. Təəssüf ki, təmsilçimiz bu mərhələdə kubalı Erislandi Savona uduzaraq çempionatda bürünc medalla kifayətlənməli olmuşdur.

Digər üç boksçumuz yarımfınal görüşlərini dünən axşam keçirmişdir. Finalın astanasında Elvin Məmişzadə (52 kq) əlcəzairli Məhəmməd Flissi ilə qarşılaşmış, Albert Səlimov (60 kq) və Pərviz Bağırov (69 kq) isə müvafiq sürətdə braziliyalı Robson Donato və Qazaxıstan boksçusu Daniyar Yelesuinov ilə döyüşmüşlər.

Xatırladaq ki, 52 kq çəki dərəcəsində finalçılar, 60 və 69 kq çəkilərdə isə üç mükafatçı Olimpiadaya vəsiqə qazanacaq. Görək lisenziyaların xoşbəxt sahibləri kim olacaq. 

Oqtay BAYRAMOV,
 “Xalq qəzeti”