Cənubi Koreyada Hərbçilərin VI Ümumdünya Oyunları davam edir. Bu yarışlarda idmanın dörd növündə (cüdo, sərbəst güləş, boks və taekvondo) təmsil olunan Azərbaycan idmançıları artıq tatami ustalarının turnirində çıxışlarını başa vurmuşlar.

Cüdoçularımız beş dəfə fəxri kürsüyə dəvət olunmuşlar. Vüqar Şirinli 60 kq çəki dərəcəsində yalnız finalda uduzub gümüş medal qazanmışdır. Nicat Şıxəlizadə (66 kq), Hüseyn Rəhimli (73 kq) və Elmar Qasımov (100 kq) bürünc mükafatlara sahib olmuşlar. Cüdo yığmamız komanda turnirində də uğurla çıxış edərək üçüncü yeri tutmuşdur.

Azərbaycan idmançıları sərbəst güləşdə də medallarının hesabını açmışlar. Bu növ üzrə yarışların birinci günü Ağahüseyn Mustafayev fərqlənmişdir. Təmsilçimiz 65 kq çəki dərəcəsində üçüncü yeri tutaraq Oyunların bürünc mükafatçısı olmuşdur.

Oqtay BAYRAMOV,
“Xalq qəzeti”