Azərbaycanın Dövlət Müstəqilliyinin 24-cü ildönümünə həsr edilən və Novxanı qəsəbəsində keçirilən “Baku Open-2015” beynəlxalq şahmat festivalının “A” qrupunda liderlik uğrunda gərgin mübarizə gedir. Beş turdan sonra turnir cədvəlinin ilk dörd pilləsində irəliləyən liderlər hərəyə 4 xal toplamışlar.

Bunlar beşinci turda ukraynalı Mixaylo Olekceyenkoya qalib gəlmiş azərbaycanlı qrossmeyster Nicat Abbasov, habelə Ehsan Qaem Maqami (İran), hindistanlı həmvətənlər Seturaman və Adxibandır.

Səkkiz iştirakçı, o cümlədən digər həmyerlimiz Nicat Ağayev ilk beş turu 3,5 xalla başa vurmuşlar. Dünən turnir iştirakçıları altıncı turun görüşlərində qarşılaşmışlar.

Oqtay BAYRAMOV, “Xalq qəzeti”