Serbiyanın paytaxtı Belqradda keçirilmiş püşkatma mərasimində futzal üzrə Avropa çempionatının final mərhələsində qrupların tərkibi məlum olmuşdur. Azərbaycan komandası İtaliya və Çexiya yığmaları ilə birlikdə “D” qrupunda çıxış edəcəkdir.

Digər üç qrupun isə tərkibi belədir: “A” qrupu. Serbiya, Portuqaliya, Sloveniya. “B” qrupu. İspaniya, Ukrayna, Macarıstan. “C” qrupu. Rusiya, Xorvatiya, Qazaxıstan.

Avropa çempionatı 2016-cı il fevralın birinci yarısında Serbiyada keçiriləcəkdir. Azərbaycanın futzal ustaları fevralın 3-də italyanlarla, bundan iki gün sonra isə çexlərlə görüşəcəklər.

Oqtay BAYRAMOV,  “Xalq qəzeti”