UEFA Çempionlar Liqası turnirinin qrup mərhələsinin üçüncü turunun ilk səkkiz oyununda hakimlər aşağıdakı nəticələri qeydə almışlar.
"E" qrupu. "Bavariya" (Almaniya) - "Kluj" (Rumıniya) - 3:2, "Roma" (İtaliya) - "Bazel" (İsveçrə) - 1:3. Qrupda 9 xala malik "Bavariya" liderdir. Qalan üç klubun hərəyə 3 xalı vardır.
"F" qrupu. "Spartak" (Rusiya) - "Çelsi" (İngiltərə) - 0:2, "Marsel" (Fransa) - "Jilina" (Slovakiya) - 1:0. Turnir cədvəlinə "Çelsi" başçılıq edir - 9 xal. İkinci yeri 6 xalla "Spartak" tutur.
"G" qrupu. "Real" (İspaniya) - "Milan" (İtaliya) - 2:0) "Ayaks" (Hollandiya) - "Oser" (Fransa) - 2:1. Yüzfaizli nəticə ilə (9 xal) birinci mövqedə olan "Real" ikinci- üçüncü yerləri bölüşdürən "Milan" və "Ayaks"dan 5 xal irəlidədir.
"H" qrupu. "Arsenal" (İngiltərə) - "Şaxtyor" (Ukrayna) - 5:1, "Braqa" (Portuqaliya) - "Partizan" (Serbiya) - 2:0. İlk iki yeri müvafiq surətdə 9 və 6 xal toplayan "Arsenal" və "Şaxtyor" tuturlar.

Oqtay BAYRAMOV, "Xalq qəzeti"