UEFA prezidenti, FİFA prezidenti vəzifəsinə namizəd Mişel Platini AFFA-nın dəvəti ilə bu ilin oktyabr ayında ölkəmizə səfər edəcək.

Dünən AFFA saytının bu barədə yaydığı xəbərdə bildilir ki, səfər çərçivəsində UEFA prezidenti Mərdəkan qəsəbəsndəki AFFA Futbol Mərkəzinin ərazisində inşa olunmuş Azərbaycan milli komandalarının təlim-məşq bazasının açılışında iştirak edəcək və Avro-2016-nın seçmə mərhələsində oktyabrın 10-da Bakı Olimpiya Stadionunda keçiriləcək Azərbaycan-İtaliya oyununu izləyəcək.

Sayt onu da xatırladır ki, UEFA prezidenti Azərbaycan milli komandalarının təlim-məşq bazasının 2013-cü il sentyabrın 21-də keçirilmiş təməlqoyma mərasimində iştirak edib.

Oqtay BAYRAMOV, “Xalq qəzeti”