Azərbaycan şahmat məktəbinin üç yetirməsi Nicat Abbasov,  Səbinə İbrahimova  və Günay Məmmədzadə Rusiyanın  Xantı-Mansiysk  şəhərində  keçirilən 20 yaşınadək  oğlan  və qızlar  arasında dünya çempionatının start  turunun görüşlərindən  qələbə ilə ayrılmışlar.

Oğlanların  turnirində  Abbasov İngiltərə təmsilçisi Ezra Kirkə  qalib gəlmiş, qızların yarışında  isə İbrahimova  və Məmmədzadə  müvafiq surətdə  rumıniyalı  və belçikalı  rəqiblərini  məğlubiyyətlə barışmağa məcbur etmişlər.

Digər şahmatçılarımızdan Ülvi Bacarani birinci turda heç-heçə oynamış,  Misrəddin İsgəndərov,  Ülviyyə Fətəliyeva  və  Aytən  Əmrayeva  uduzmuşlar.

İsveçrə  sistemi üzrə keçirilən dünya çempionatı 13 turdan ibarətdir və  sentyabrın 15-də finişə  çatacaq. Dünən  rəqiblər  ikinci  turun görüşlərində   qarşılaşmışlar.

Oqtay BAYRAMOV,
“Xalq qəzeti”