Bu gün futbol üzrə Avropa çempionatı–2016-nın seçmə yarışları çərçivəsində Azərbaycan komandasının daxil olduğu “H”  qrupunda üç oyun olacaq. Yığmamız saat 21-də “Bakcell Arena”da başlanacaq görüşdə qrupun lideri Xorvatiya komandasını qəbul edəcək. UEFA bu oyunun hakimliyini fransalı Ruddi Buketə həvalə etmişdir.

Digər iki matçda Bolqarıstan futbolçuları Norveç komandası ilə qarşılaşacaq, hazırda turnir cədvəlində ikinci mövqedə olan italyanlar isə maltalı qonaqlarını sınağa çəkəcəklər.

Bu görüşlər ərəfəsində Xorvatiya və İtaliyanın müvafiq surətdə 14 və 12 xalları vardır. Liderlərin  ən yaxın izləyicisi Norveç 10 xal toplamışdır. Bolqarlar 8, Azərbaycan futbolçuları 4, Malta komandası 1 xala malikdirlər.

Oqtay BAYRAMOV,
“Xalq qəzeti”