İspaniyanın “Barselona” klubunun hücumçusu Lionel Messi Avropada 2014/15-ci illər mövsümünün ən yaxşı futbolçusu adına növbəti dəfə layiq görülüb. Məlumata görə, Çempionlar Liqasının Monakoda keçirilən püşkatma mərasimində UEFA həm kişi, həm qadın futbolçular arasında ən yaxşı oyunçunu mükafatlandırıb. Bildirilir ki, Messi mükafata namizəd olan digər iki futbolçunu - klubdakı komanda yoldaşı uruqvaylı Luis Suares və “Real”ın portuqaliyalı oyunçusu Kriştianu Ronaldonu qabaqlayıb.  Qeyd edək ki, Messi 5-ci dəfə keçirilən sorğuda 2-ci dəfə qalib gəlib. Xatırladaq ki, o, 2011-ci ildə də bu mükafatın qalibi olub.

Məlumatı “Eurosport” verib.

Hazırladı: Elçin ABBASOV,
“Xalq qəzeti”