2012-ci il London Olimpiadasına qədər əldə etdiklərimizi sabit saxlamalıyıq.
Bunu "İlin ən yaxşı güləşçisi"nin mükafatlandırılması mərasimində Azərbaycan Güləş Federasiyasının (AGF) prezidenti Fazil Məmmədov demişdir. Onun sözlərinə görə, Azərbaycanda idman son illər çox inkişaf etmişdir. Azərbaycan xalqının bütün idman növlərində uğurlara imza atmağa potensialı var.
F.Məmmədov Azərbaycanda idmanın inkişafı üçün yaratdığı şəraitə görə ölkə başçısı, Milli Olimpiya Komitəsinin prezidenti İlham Əliyevə minnətdarlığını bildirmişdir.
F.Məmmədov demişdir ki, qarşımızda məsuliyyətli bir vəzifə durur. Bu, mövcud vəziyyəti sabit saxlamaqdan ibarətdir. Əlbəttə, nailiyyətləri də artırmaq istəyirik. Ancaq, təkrar edirəm, 2012-ci il London Olimpiadasına qədər əldə etdiklərimizi sabit saxlamalıyıq.{nl}