Braziliyada güləş üzrə dünya çempionatında böyük müvəffəqiyyət qazanmış Azərbaycanın gənclərdən ibarət komandalarından sonra ölkəmizi medallarla sevindirmək növbəsi onların daha gənc yoldaşlarına çatmışdır. Dünən Bosniya və Herseqovinanın paytaxtı Sarayevoda başlanan yeniyetmələr arasında dünya birinciliyində ilk görüşlərin iştirakçıları mübarizə meydanına dəvət olunmuşlar.

Bir həftə davam edəcək yarışda birinci olaraq yunan-Roma üsulu ilə güləşənlər qalib və mükafatçıları müəyyənləşdirəcəklər (25-26 avqust). Sonrakı iki gündə xalça üzərində onları qızlar əvəz edəcəklər. Dünya birinciliyinə avqustun 29-30-da sərbəst güləşənlərin turniri ilə yekun vurulacaqdır.

Maraqlıdır, Azərbaycan güləşçilərindən kim daha yaxşı nəticə göstərəcək, yeniyetmələr gənclərin uğurlarını təkrar edə biləcəklərmi?

Oqtay BAYRAMOV,
“Xalq qəzeti”