Avstriya paytaxtında “Vyana Open 2015” beynəlxalq şahmat festivalı tədricən finişə yaxınlaşır. “A” turnirində mübarizə aparan Azərbaycan təmsilçiləri Nərgiz Umudova və Eltac Səfərli növbəti, altıncı turda qələbəyə sevinmişlər.

Umudova bu turda avstriyalı rəqibinə, Səfərli isə İtaliya şahmatçısına qalib gəlmişlər. Turnirin başa çatmasına üç tur qalmış Nərgiz 4,5 xala malikdir, Eltac 4 xal toplayıb. Cədvəldə lider mövqeyində olan şahmatçıların isə 5,5 xalı vardır.

Oqtay BAYRAMOV,
“Xalq qəzeti”