Sentyabrın 26-dan oktyabrın 4-dək Belçika və Hollandiyada keçiriləcək qadın komandaları arasında voleybol üzrə Avropa çempionatının final mərhələsinə hazırlaşan Azərbaycan yığmasının baş məşqçisi Faiq Qarayev bu məsul yarışda çıxış edəcək heyəti müəyyənləşdirib.

Bu barədə azerisport-un yaydığı xəbərdə bildirilir ki, Avropa çempionatında komandanın şərəfini Natalya Məmmədova, Polina Rəhimova, Oksana Kurt-Parxomenko, Natəvan Qasımova, Valeriya Məmmədova, Ayşən Abduləzimova, Ceyran Əliyeva, Odina Bayramova və başqaları qoruyacaqlar.

Onu da əlavə edək ki, Azərbaycan voleybolçuları çempionatın ilkin mərhələsində Türkiyə, Macarıstan və Belçika komandaları ilə bir qrupda oynayacaqlar. Yığmamız yarışa sentybarın 26-da Türkiyəyə qarşı görüşlə başlayacaq, ertəsi gün belçikalılarla qarşılaşacaq, sentyabrın 28-də isə Macarıstanla oynayacaq.

Oqtay BAYRAMOV,
“Xalq qəzeti”