Rusiyanın  e3e5 saytının Azərbaycan Şahmat Federasiyasının vitse-prezidenti, beynəlxalq dərəcəli hakim Faiq Həsənova istinadla yaydığı xəbərə görə, sentyabrın 29-dan oktyabrın 8-dək paytaxtımızda Azərbaycanın Dövlət Müstəqilliyi Gününə həsr olunan “Baku Open-2015” beynəlxalq şahmat festivalı keçiriləcəkdir.

Festival üç turniri özündə birləşdirəcək. “A” turnirində reytinqi 2250-dən az olmayan şahmatçılar, “B”-də reytinqi 2250-yə qədər olanlar çıxış edəcəklər, “C” turnirində isə uşaqlar yarışacaqlar.

Təşkilatçılar festival üçün 40 min dollar məbləğində mükafat fondu təsis etmişlər.

Oqtay BAYRAMOV,
“Xalq qəzeti”