Bu günlərdə Avstriyanın paytaxtı Vyanada keçirilmiş 2015-2016-cı illər mövsümü üçün voleybol komandalarının   Çempionlar Liqasında qrup mərhələsi yarışlarının  püşkatma mərasimindən sonra Avropa Voleybol Konfederasiyasının prezidenti Andre Meyer qarşıdakı turnirdən gözləntiləri barədə danışarkən Avropa Oyunlarına da toxunub, bu yarışların əhəmiyyətindən söhbət açıb:

—Biz Azərbaycandan yenicə qayıtmışıq, orada tarixdə ilk dəfə keçirilən Avropa Oyunlarının şahidi olduq. Oyunların miqyası geniş idi. Aydın hiss etdik və bunu qeyd etmək fərəhlidir ki, Bakı çoxlarını maraqlandıran yaxşı idman məhsulu təklif etdi. Avropa Oyunları voleybol üçün gözəl şans yaratdı. Biz əvvəlkitək öz işimizi daha da təkmilləşdirməyə çalışırıq və istərdik ki, Avropa Oyunlarında yaradılan baza öz davamını tapsın".

Oqtay BAYRAMOV,
“Xalq qəzeti”