Reuters informasiya agentliyi birinci Avropa Oyunları çərçivəsində keçirilən 3x3 basketbol yarışı barədə məqalə yayıb.

Bu idman növünün pozitiv imicindən bəhs olunan məqalədə onun Avropa Oyunlarına daxil edilməsi müsbət qiymətləndirilir. Basketbolun bu növü haqqında ətraflı söhbət açılan məqalədə azarkeşlərin basketbol oyunçularını xüsusi coşqu ilə qarşılayaraq qələbəyə ruhlandırmaları vurğulanır.

Yazıda belçikalı atlet Domien Loubrinin fikirlərinə də yer verilir. O, Azərbaycandakı idman atmosferinin və onlara yaradılan şəraitin çox yaxşı olduğunu bildirib. D. Loubri azarkeşlərin oyunçuları hər addımda dəstəklədiklərini qeyd edib.

AZƏRTAC