“Bakı Su İdmanı Sarayında atletlər üçün çox gözəl şərait yaradılıb. Dünyada belə gözəl idman obyekti azdır”. Bunu Trend-ə üzgüçülük üzrə Moldova komandasının məşqçisi Yevgeni Karabetki deyib.

Karabetkinin sözlərinə görə, I Avropa Oyunları ötən il Nankində yeniyetmələr arasında keçirilmiş olimpiadanı üstələyir: “Burada təşkilati işlər daha yüksək səviyyədədir”.

Məşqçi bildirib ki, Atletlər kəndində idmançılar üçün yaxşı şərait yaradılıb: “Nəqliyyatın işi yaxşı təşkil edilib. Bizi yarışlara yubandırmadan aparıb gətirirlər”.