Azərbaycanın paytaxtı Bakı birinci Avropa Oyunlarını keçirməyə layiq şəhərdir. Mən şəhərinizin son illərdə sürətlə inkişaf etdiyi barədə məlumatları çox eşitmişdim, indi isə bu inkişafı öz gözlərimlə görürəm. Şəhərdəki səliqə-sahman çox xoşuma gəldi.

Bu sözləri AZƏRTAC-a müsahibəsində ilk Avropa Oyunlarında Almaniyanı təmsil edən idmançı Florian Kahllund söyləyib. F.Kahllund Bakıda idmançılara yüksək diqqət və qayğı göstərildiyini, Atletlər Kəndində idmançılar üçün hər cür şərait yaradıldığını vurğulayıb. O deyib: “Biz görürük ki, ilk Avropa Oyunlarına yüksək səviyyədə hazırlıq işləri həyata keçirilib, ən xırda detallar belə nəzərə alınıb”.

Almaniyalı idmançı, həmçinin Azərbaycan mətbəxinin onun çox xoşuna gəldiyini deyib.

AZƏRTAC